城市解謎冒險

舉辦日期 2025年7月26日 - 8月3日 開放時間 10:00 - 22:00 (最後入場時間為20:00） 地點 香港香港仔石排灣邨石排灣商場LG2層2室 活動介紹 放暑假日日留響屋企係咪有啲悶呢？想唔想過一個刺激又考腦筋嘅暑假？機會嚟喇！ 今年暑假，M21吉祥物阿卵將會帶住大家親身體驗一個超好玩嘅實境解謎遊戲——TeamUnlock+ 嘅「沉船前的最後90分鐘」！呢個唔係普通嘅手機解謎Game，我哋會將現實同虛擬世界結合，大家拎住一部手機，就要同你班隊友一齊喺M21搵線索、解謎題，真真正正考驗你哋嘅觀察力、邏輯同團隊合作！你哋將會化身做一班被困喺船上嘅乘客，要喺極度有限嘅時間內鬥智鬥力。究竟你哋係神隊友定豬隊友？到時就一清二楚！以為淨係咁？仲有呀！除咗緊張刺激嘅解謎任務之後，大家仲可以參觀 M21 各項超正嘅多媒體設施，俾你哋一探平時新聞報導、訪談節目係點樣誕生，甚至可以走入專業影棚打卡留念，保證大家可以開心玩足半日！準備好接受挑戰未？快啲叫齊你班friend（2-4人就玩得！），今年暑假，約定你哋一齊喺M21出發，由阿卵帶隊，齊齊破關，